Paano kung may kakayahan tayong bumalik sa nakaraan? Yung tipong may kakayanang baguhin ang mga ginawa natin? Anong gagawin mo?
Ako kasi, kung makababalik ako sa nakaraan, mas pagbubutihan ko. May mga bagay ako gagawin at hindi gagawin. Ang saya siguro ‘no kung makakabalik tayo sa nakaraan? Gusto ko yun kahit na hindi mo na mababago ang mga ginawa mo basta makita mo lang ang mga tao sa nakaraan mo. Yung mga taong wala na sa kasulukuyan.
Gusto ko ring makita ang sarili ko few years back at kung ano ba ang mga gusto ko at kung gaano ako kaeager na makamtan yun.
Hindi sa ayaw ko sa kasalukuyan, ang sa akin lang, siguro bawat isa sa atin ay may kahit isang bagay na gustong baguhin sa buhay nila. O kaya naman ay sana ginawa nila o hindi ginawa o mas pinagbuti pa.
Pero baka kaya hindi tayo binigyan ng pagkakataong mamuhay muli sa nakaraan kasi baka ang iba sa atin ay piliin yung masasayang araw nila. Yung tipong parang wala nang bukas. Baka hindi na nila gustuhin pang bumalik sa kasalukuyan at makulong na lamang sa nakaraan.
No comments:
Post a Comment