Lately...

       Wala akong kwenta. Hindi gumagana ang utak ko. Wala akong emosyong mapaghugutan ng mga isusulat ko. Ni hindi ko makita ang mga salitang dapat ay inilalabas ko. Walang thoughts, walang makatha. Ganito na ba ako kabato lately?

         Wala akong kwento. Walang pangyayari sa akin na sana ay mailalahad ko. Ni walang saya o maging lungkot nga e, wala. Ang stagnant ng buhay ko lately. Wala akong maikwento kasi hindi na interesting ang buhay ko. Walang nangyayari. Ganito na ba ako kawalang kwenta ngayon?

        Gusto ko uling mainspire sa bawat saya, lungkot o takot na nararamdaman ko. Gusto ko uling magkaroon ng inspirasyon. Gusto kong magkaroon ng buhay na maisusulat sa kwento, tula, haiku, one-liners o maidodrawing ko. Kahit ano. Ang hirap kapag stagnant ka. Umaagos ang buhay pero ako, naiiwan. Ang hirap lang.